MÁQUINAS SIMPLES E COMPOSTAS-RELOXOS

Os alumnos de 3ºEP realizaron un proxecto cooperativo nas asignaturas de Coñecemento do Medio e Matemáticas sobre as máquinas e reloxos. Algúns formaron grupos aprendendo a organizarse e organizar a súa información. Buscaron recursos para deseñar e construír os seus traballos. Comprobaron se funcionaban e despois da análise dos resultados se explicaron na aula.

Eles mesmos indicaban as posibles melloras...

          

                  

MÁQUINAS SIMPLES
-Realizan un traballo mecánico.                             
-Todas as súas partes son sólidos ríxidos.
-Son máquinas que posúen un só punto de apoio.
-Varían segundo a situación do seu punto de apoio.
-Os elementos fundamentais son:
-O punto de apoio, forza motora ou potencia e forza de resistencia.
-Producen a transformación da enerxía que reciben.
-Utilizan a enerxía para funcionar.
-A enerxía que reciben para o seu funcionamento non é aproveitada completamente, debido a que  parte desta se perde na fricción ou rozamento.
-Limítanse a transformar enerxía.
-O esforzo e a carga son as forzas máis importantes das máquinas simples.
-Realiza un traballo determinado.            



       MÁQUINAS COMPOSTAS

-Este tipo de máquinas caracterízase por ser aquelas que resultan do acoplamento de varias máquinas.
-As máquinas compostas son combinacións destes 6 tipos de máquinas simples: -pancas, poleas, rodas e eixes, planos inclinados, parafusos, cuñas.
-Posúe dous tipos de combinacións:
-Polipastos e engrenaxes.
-Construír unha máquina composta significa poñer en interrelación unha determinada cantidade de máquinas simples.

                             
-Cada  unha das pezas que conforman unha máquina  composta chámase operador. Hai dous tipos de operadores: mecánicos e enerxéticos.

Así a través de máquinas e reloxos puideron comprobar que co paso do tempo todo cambia. Como eran antes e como son agora esas máquinas, como a partir de máquinas simples van xurdindo pouco a pouco novos avances. Comprobaron polo tanto que o paso dos segundos, minutos e horas ,co simple movemento das agullas do reloxo, van xurdindo novos días e así o tempo vai pasando e co seu paso todo cambia xurdindo novas ideas.      

                 

         
   Polo voso interese e dedicación  emprazámosvos para futuros proxectos nestas dúas materias.     

             

XIX DÍA DE LA CIENCIA EN LA CALLE

De novo un grupo de alumnos de 1º de Bacharelato, celabrou o sábado 10 de maio o “XIX Día de la Ciencia en la calle”; xunto con outros corenta participantes entre colexios e outras entidades, levando experiencias sinxelas, preparadas no colexio e nas que todo o mundo podía participar.
   Estes son algúns dos momentos deste estupendo día:

Posteriormente o xoves 16 de maio, todos os alumnos de 1º de Bacharelato, relizaron estas experiencias cos alumnos de, 2º e 3º ciclo de EP; RESULTOU DIVERTIDO E ENRIQUECEDOR.

XIRA AOS CANEIROS

Os alumnos de 5º e 6º EP realizaron unha  xira aos Caneiros ofertada polo Concello. Para a maioría do alumnado era a primeira vez que realizaban, nunha barca, un paseo fluvial polas marxes do río Mandeo. No traxecto explicáronlles como o Concello de Betanzos comprou o campo ao Concello de Coirós, e tamén a orixe da romería como parte do programa das festas de S. Roque. Os días 18 e 25 de agosto, os betanceiros dirixíronse ao campo dos Caneiros de forma moi diversa para pasar un día de festa.Os alumnos quedaron abraiados cando viron unhas fotos antigas onde a xente ía á romería toda traxeada e en barcas decoradas para tal festividade (para eles, esa non era a idea que tiñan desa festa)
    Xa no campo os alumnos realizaron diversos xogos e tomaron o aperitivo para repoñer forzas. Á volta, xa comezaran a cantar pois viñan máis relaxados.

A PARTIRES DE AGORA , PROMETEN PARTICIPAR ACTIVAMENTE, DUNHA MANEIRA LÚDICA E ADECUADA , NESTA ROMERÍA.

EXPOSICIÓN:" A MULLER NAS ARTES E NA CIENCIA"

Durante a primeira quincena de maio os alumnos de ESO e Bacharelato puideron complementar a súa aprendizaxe a través desta exposición, cedida desinteresadamente pola Facultade de Ciencias da Educación da Universidade da Coruña e na que o Departamento de Orientación do noso colexio tivo un papel impulsor.

Localizada na biblioteca, a exposición constaba de 15 paneis que reflectían, cronoloxicamente, a lenta, pero imparable incorporación da muller ao mundo do coñecemento, dende a Antigüidade ata o século XX. Esas mulleres foron pioneiras nunhas épocas nas que o acceso á educación e á sabedoría lles estaba vetado. 

Profesoras de distintos Departamentos prepararon propostas didáticas específicas, xogos, buscas interactivas… para facer máis dinámica a temática da exposición.  Ao longo de varias sesións, os alumnos ían recopilando datos cos que realizaron diferentes tarefas multidisciplinares (Humanidades, Ciencias e Artes).

Esperemos que iniciativas tan interesantes coma esta se volvan repetir.