O escritor ourensán recolleu o premio
correspondente á categoría de adultos o venres 14 de xuño no salón de actos do
noso colexio.
Na quenda de preguntas, Antón Riveiro comentou aos asistentes o longo e complexo proceso de elaboración da súa novela “Laura no deserto”, que lle levou 6 anos e da que compilou abundante documentación. Inspirándose nun personaxe real, comezou a tecer o argumento partindo de historias aparentemente distantes en temática, cronoloxía e escenarios.
Á
pregunta de por que elixir temáticas tan recurrentes como a guerra civil ou a
segunda guerra mundial, o autor dixo que estes temas non deberían estrañar pois
forman parte dunha memoria moito máis
reciente do que parece. Ao seu parecer, a literatura debe de ser un instrumento
capaz de cambiar o mundo.
Aínda que recibiu algunha proposta de levar a
novela ao cinema, a Antón non lle preocupa moito o tema pois prefire que cada
lector imaxine o relato e os personaxes á súa maneira.
En representación de FEREGA-Escolas Católicas, Xosé
Francisco Martínez Reboiras e Esther Balboa Illobre fixéronlle entrega dun agasallo
conmemorativo do 150º aniversario de “Cantares Gallegos”. O gañador amosouse en
todo momento moi agradecido pola honra que lle supoñía recibir un premio que outorgan
directamente os lectores e, abraiado pola alta participación de adultos lectores neste centro educativo, animou aos
membros do EDLG a continuar nesta interesante iniciativa de divulgación da nosa
cultura.
O EDLG agradece especialmente aos alumnos Jesús
Couceiro, Miguel Novoa e Daniel F. Estrada pola súa colaboración co soporte
técnico.
Tamén aproveitamos para agradecer a todos aqueles alumnos/as que
animastes aos vosos maiores a participar nesta actividade que contribúe a
vincular aínda máis ao centro coas familias.
O PREMIO FREI MARTÍN SARMIENTO TEN SENTIDO GRAZAS A VÓS.
