Ao longo do mes de febreiro, alumnos de 1º de E.P desenvolveron un proxecto cooperativo no que os contos foron os protagonistas. Divididos en grupos de catro e cinco alumnos, elexiron un tema por grupo: contos de animais, príncipes e princesas, historias cotiás, biografías, contos de medo, historias do mundo....
Prepararon o seu conto para saber contalo e escenificalo, ensaiando e axudándose entre eles. Asimesmo invitamos ás familias a que compartisen connosco contos e historias na aula .
Queremos agradecer a todos e a cada ún a súa colaboración. Compartimos momentos que non esqueceremos e aprendimos moito entre todos. Grazas por facer posible unha escola aberta ao mundo na que todos formamos parte do proceso educativo dos nosos pequenos.
A Yolanda, Javier, Patricia, Óscar, Ana, Pepita e Pibe, Pepe, Pili, Lorena , Rosa e Xan...uns fantásticos contacontos que encheron de maxia a nosa aula. Grazas de corazón!
